“Impizzar las stailas e lura serrar il tschêl.” - @romanaganzoni_ Per la seguonda vouta ho gieu lö als 2 avuost la maestraunza svizra da poetry slam a Bienna @lakelivefestival cun partecipaziun da las quatter linguas naziunelas. Da guadagner nun ho que do be ün bun chaschöl, dimpersè impustüt la plazza per rapreschanter la Svizra al champiunedi europeic 2027! Per la Rumantschia ho Romana Ganzoni fat la cuorsa. Cun sieus pleds poetics e’l bel cling dal text rumauntsch ho ella survgnieu ün grand applaus, ma per il finale nun ho que bastieu. Romana Ganzoni es steda da prüma davent part da la scena da poetry slam rumauntscha: tal prümischem Poetry Slam Engiadinais dal 2023 a Sent ho ella fat la moderaziun. Üna saireda chi’d es resteda a tuot:tas in megldra memoria. Taunt pü bel cha sieu ingaschamaint pel poetry slam rumauntsch cuntinuescha! Grazcha per tuot, chera Romana! Per la Rumantschia: Poetessa: Romana Ganzoni Güria: Hampi Cadonau Organisaziun: Gianna Duschletta @gianna20.10 @spokenwordbiel #uniundalsgrischs #rumauntschsvulainsrester #poetryslam
Dumengia als 2 avuost s’inscuntran a Bienna al @lakelivefestival ils meglders “slammeders” e las megldras “slammedras” da la Svizra. Il public po parteciper ad ün evenimaint unic in quatter linguas naziunelas chi vain accumpagno da traducziuns e d’üna giuria da specialists da tuot las regiuns linguisticas. Il champiunedi svizzer da poetry slam es l’unic evenimaint naziunel chi unescha tuot las regiuns linguisticas da la Svizra in üna concurrenza cumünaivla. Il/la vandscheder:a rapreschainta lura la Svizra al champiunedi europeic i’l 2027 ad Antwerpen in Belgia. Nossa partecipanta rumauntscha es @romanaganzoni_ . Nus giavüschains bun success e sperains ch’ün pêr Rumauntsch:as da la Bassa paun ir a fer ün grand applaus per Romana!🙏🏼 Il program dal di e la pagina per reserver il bigliet chattast illa bil. Dimena toi, toi, toi a Romana!🥳 #uniundalsgrischs #rumauntschsvulainsrester #poetryslam
Maisa da cudeschs düraunt la favella bella @chesaplantasamedan 📚🫶🏻 #uniundalsgrischs #favellabella #chesaplanta #rumauntschsvulainsrester
Impreschiuns da la radunanza da delegedas e delegios da la @liarumantscha her a Samedan. Chasper Sarott es gnieu elet scu nouv president da la Lia Rumantscha, sinceras gratulaziuns👏🏻 Il rendaquint dal 2025 es gnieu accepto cun 25 cunter 19 vuschs. l’Uniun dals Grischs ho pledo per dapü transparenza illas finanzas ed illa comunicaziun da la quêla, e nun ho pervi da que appruvo il rendaquint 2025. #uniundalsgrischs #rumauntschsvulainsrester
Chi vuless dvanter staila dal film?🙋🏼‍♀️ Appel da casting per ün film da kino rumauntsch!😍 Chi chi ho interess as po annunzcher sur il link illa bio🙋🏼‍♀️🎬🎥 (experienza professiunela nun es necessaria) #uniundalsgrischs #rumauntschsvulainsrester #film #casting
La Chasa Paterna nr 144 es cò!🥳 Mieu Amih Cour da Fier da Daniel Badraun as po cumprer online u i’l Chesin Manella (link in bio)📚 Descripziun: Felix Berger, ün mat dad ündesch ans, sto cun sia famiglia a Schlawila. Cun sieus amihs giouva’l gugent chavaliers. Cur cha’l nouv magister Leo Kirchmann vain a ster illa chesa in fatscha als Bergers, as müda tuot. Que do dispütta a scoula e sün via. Per Felix e sieus fradgliuns cumainza ün temp plain dischillusiuns e sfidas. Per furtüna do que las istorgias dal chavalier Cour da Fier chi güdan a Felix düraunt quel temp prievlus. E natürelmaing tegnan ils Bergers insembel ed as sustegnan fin a la fin dal muond ed inavous. ⚔️ Per abunentas ed abunents da la Chasa Paterna: Guardè l’eivna chi vain adüna darcho in vossa chartera😉 #chasapaterna #uniundalsgrischs #rumauntschsvulainsrester #danielbadraun
Ün pêr impreschiuns da nossa radunanza generela hoz a Ftan: 1. Var 25 persunas haun chatto la via i’l hotel @bellavista_ftan 🤓 2. Nossa co-presidenta @gianna20.10 ingrazcha in nom da tuot la suprastanza a co-presidenta @victo_riamos_ca chi sorta da la suprastanza e vo in viedi 🧳 Grazcha per tuot, Vicci🩷 3. La nouva suprastanza a partir da lügl: @jond.pult , @gianna20.10, Valentina Parolini, @carmencarolineb, @fadrinahofmann 👭👫 4. Linard Candreia prelegia: «Ord igl diari digl emigrant Flurin Lozza/Marmorera» 📖 5. Zieva la part ufficiela: temp per brunch 🍳 Grazcha a tuottas e tuots per quist bel di in cumpagnia! #uniundalsgrischs #rumauntschsvulainsrester
Che bellischma saira🎸✨ Grazcha fich @chadafoe per quist concert unic in nos Chesin Manella!👏🏻 Sainza dubi na l’ultim concert in nossa libraria!😏 Grazcha fich @celerina7505 per la collavuraziun🙏🏼 #uniundalsgrischs #rumauntschsvulainsrester #chadafö #schlarigna
Concert da @chadafoe in marculdi i’l Chesin Manella! Il chantadur, ghitarrist e chantautur engiadinais Cha da Fö es inavous e cuschina darcho! 🎸 Cun sieu proget da solo tuorna Roland Vögtli, chi’d es creschieu sü in Engiadina, darcho tar las ragischs da sia via musicala: chanzuns simplas e sinceras. Musica sainza schnicschnac chi nu pretenda üngüna show e grandas tribünas, ma l’inscunter i’l ravuogl pitschen. Chanzuns scu chi’s suness in chadafö – apunto, Cha da Fö. Data: marculdi, 8 avrigl 2026 Lö: Chesin Manella, Straglia da Sar Josef 5, 7505 Schlarigna Cumanzamaint: 19:00 In collavuraziun cul büro da turissem Schlarigna. #uniundalsgrischs #rumauntschsvulainsrester #musica
In dumengia, ils 12 avrigl 2026, ho lö la radunanza generela da l’Uniun dals Grischs. Il protocol da la radunanza generela dals 12 avrigl 2025, il rendaquint 2025, il rapport da la cumischiun sindicatoria ed il preventiv 2027 staun a disposiziun per invista suot il link illa bio. Per avair il dret da vuscher stu la contribuziun da commembranza da 25.- esser pajeda aunz la radunanza generela. Chi chi nun es auncha commember u commembra e’s annunzchess gugent po fer que sur il link illa bio. Lö: Hotel Bellavista Ftan, Rontsch 57, 7551 Ftan Cumanzamaint: 08:45 (arriv cun traffic public da Scuol es pussibel a temp) Program: • 08:45 cafè & cornins • 09:00 cumanzamaint radunanza generela • 09:30 dumandas e discussiun • 09:45 prelecziun da Linard Candreia: Istorgia d’emigraziun: «Ord igl diari digl emigrant Flurin Lozza/Marmorera» • 10:30 brunch • 12:30 fin Nus ans allegrainsa sün vus! #uniundalsgrischs #rumauntschsvulainsrester #radunanzagenerela
E viv’il Chalandamarz❤️💐 fotografias da @maykwendt 🙏🏼 #chalandamarz #uniundalsgrischs #rumauntschsvulainsrester
In dumengia, 8 marz votescha la populaziun svizra davart l’iniziativa “200 francs bastan (Iniziativa SSR)”. L’iniziativa pretenda traunter oter da limiter la taxa per chasedas privatas a 200 francs per an e da deliberer las firmas dal oblig da pajer la taxa. Il Cussagl federel ed il parlamaint refüsan l’iniziativa ed eir la Lia Rumantscha s’ho pusiziuneda davart l’iniziativa. Nus, la suprastanza da l’Uniun dals Grischs, partins la tenuta da noss’organisaziun da tet: Nossa cultura, nossa lingua e nos pövel drouva la visibilted cha RTR garantescha. Scha la chesa da medias SSR vain indeblida, schi perda nossa lingua e cultura ün portavusch fundamentel per transporter il s-chazi rumauntsch illas chasedas svizras. Perque disch la suprastanza da l’Uniun dals Grischs unanimamaing NA a l’iniziativa “200 francs bastan”. 🗳️ #uniundalsgrischs #rumauntschsvulainsrester